怒髮衝冠為食薑汁豆腐花

久仰獅子亭的薑汁豆腐花, 決定一試. 早上9:00在井欄樹出發, 沿石鼓隴山莊的指示牌行, 在92B信箱選左邊的山路, shortcut穿林上飛鵝山, 林中竟然有警衛鵝監察我們. 飛鵝山原來真係有鵝呀!! Shortcut上接飛鵝山道, 沿途雖然全是石屎路, 但不時有無敵靚景. 上到觀景台更為清楚, 山景有西貢三尖的兩尖 (釣魚翁和蚺蛇尖), 八仙嶺. 一個轉身是市區景, 大遍九龍, 遠至灣仔會展, 盡入眼簾.



到觀景台前的一個彎位, 好,好,好...大風呀!! 連我條手巾都被吹走 (唔係key上去, 真係 咁都影倒). 離開觀景台上一個小山丘時, 站也站不穩, 更險些被吹掉, 風力好像被打風更甚 (後來下午真是掛一號風球).

一等怒髮衝冠人士不畏強風, 終於去到獅子亭附近的恆益士多食薑汁豆腐花. 豆腐花本身有少許鹹味, 配合有薑汁的糖水, 不錯!!! 同時亦買了紫背天葵的飲品, 顏色帶紅, 味道有點酸, 聽聞這種植物有清熱,消暑, 解渴作用. 飲飽食醉後, 快樂地快落至終點, 沙田博康村.

是日迎月, 亦是打風. 幸好把握早上的好天氣, 下午天氣突然轉壞, 下大雨, 更掛起一號風球, 難怪山上如此大風. 今次不是行山嚟打風, 而是行完山先至打風.